თბილისის საქალაქო სასამართლოს თავმჯდომარე მამუკა ახვლედიანი აღარაა - ის იუსტიციის უმაღლესმა საბჭომ გაათავისუფლა თანამდებობიდან. ახვლედიანის მხრიდან ჩადენილ შესაძლო დარღვევას საბჭოს წევრები დილიდან განიხილავდნენ, ისე რომ თავად ახვლედიანისთვის არ მოუსმენიასთ. იუსტიციის უმაღლეს საბჭოსა და მამუკა ახვლედიანს შორის დაძაბული ურთიერთობა რამდენიმე თვეა, არსებობს. ახვლედიანის განცხადებით, უზენაესი სასამართლოს თავმჯდომარე და იუსტიციის უმაღლესი საბჭო საკუთარ მოვალეობას თავს ვერ ართმევენ. გარდა ამისა, სწორედ ახვლედიანმა გაავრცელა ინფორმაცია მოსამართლეთა საკვალიფიკაციო ტესტების სავარაუდო გაჟონვის შესახებ.