- საქართველოს პრეზიდენტის მრჩეველმა, იუსტიციის უმაღლესი საბჭოს გუშინდელი გადაწყვეტილების კომენტირებისას, თქვა რომ საბჭოს სჭირდება ძირეული რეფორმები, კონკრეტულად კი კანონმდებლობაში პროცედურების უფრო ნათლად გაწერა, რათა საბჭოს არ დარჩეს ინტერპრეტაციის საშუალება.
თავის მხრივ , საქალაქო სასამართლოს უკვე ყოფილი თავმჯდომარე აპირებს ყველა სამართლებრივი ბერკეტი გამოიყენოს და იუსტიციის უმაღლესი საბჭოს გადაწყვეტილება გაასაჩივროს.
- რამდენიმე წლიანი გადავადების შემდეგ, მოწმეთა დაკითხვის ახალი წესი დღეიდან ძალაში შევიდა. ეს ნიშნავს, რომ ამიერიდან მოწმეებს კვლავ ბრალდების მხარე დაკითხავს, თუმცა მოსამართლის თანდასწრებით და მისი ზედამხედველობით. საწყის ეტაპზე ახალი წესი არ შეეხებათ ტერორიზმის და მკვლელობის საქმეებში არსებულ მოწმეებს. იმ შეთხვევაში, თუ პიროვნება უარს იტყვის მოწმის სტატუსით ნებაყოფლობით დაკითხვაზე, პროკურატურა სასამართლოს მისი გამოძახების თხოვნით მიმართავს. თუ მოსამართლე ჩათვლის, რომ გამოსაკითხი პირი შეიძლება დანაშაულის გახსნისთვის ღირებულ იფნორმაციას ფლობდეს, ის პროკურორის შუამდგომლობას დააკმაყოფილებს და ამ შემთხვევაში, პირი ვალდებული იქნება, მოსამართლის თანდასწრებით ჩვენება მისცეს.
აღნიშნული ცვლილების გამო მთელი საქართველოს მასშტაბით უკვე მომუშავე მოსამართლეებს კიდევ 22 მოსამართლე შეემატა.
- 2017 წელს თბილისს ახალი, 23-ე მეტროს სადგური უნდა შეემატო, ყოველ შემთხვევაში ასეთია მთავრობის გეგმა. სახელმწიფო უნივერსიტეტის მახლობლად მეტრო უნივერსიტეტის სამშენებლო სამუშაოები დღეს ინფრასტრუქტურის მინისტრმა ნოდარ ჯავახიშვილმა და თბილისის მერმა დაათვალიერეს. ინფრასტრუქტურის მინისტრი ფიქრობს, რომ მშენებლობის ტემპები არადამაკმაყოფილია და სამშენებლო კომპანიისგან რესურსების დამატებას მოითხოვს.