- საქართველოს პრეზიდენტმა პარლამენტში ყოველწლიური მოხსენება ქვეყნის ევროპულ არჩევანზე და თავისუფლებაზე საუბრით დაიწყო. გიორგი მარგველაშვილის თქმით, გასული 2015 წელი პოლიტიკურად და ეკონომიკურად რთული იყო.
პრეზიდენტის გამოსვლაში მნიშვნელოვანი ადგილი დაეთმო ინსტიტუტების პატივისცემას. მისი თქმით, პერსონიფიცირებული ურთიერთობები უნდა შეიცვალოს და პოლიტიკური დაპირისპირება ინსტიტუტების შელახვაში არ უნდა გამოიხატოს.
- პარლამენტში ყოველწლიური მოხსენებით გამოსვლისას საქართველოს პრეზიდენტმა ყურადღება საქართველოს ევროატლანტიკურ მისწრაფებებზე და ქვეყნის საგარეო გამოწვევებზე გაამახვილა. გიორგი მარგველაშვილის თქმით, მნიშვნელოვანია, რომ საქართველომ პროაქტიული საგარეო პოლიტიკა აწარმოოს და აქტიურად ჩანდეს მსოფლიო დღის წესრიგში. მარგველაშვილმა აღნიშნა, რომ ქვეყნის პრიორიტეტად კვლავ რჩება ევროატლანტიკური ინტეგრაცია.
საქართველოს პრეზიდენტმა ყოველწლიურ გამოსვლის ნაწილი ეკონომიკურ პრობლემებსაც დაუთმო.
- პარლამენტის ადამიანის უფლებათა დაცვის კომიტეტის გადაწყვეტილებას, მხარი დაეჭირა კანონპროექტისთვის, რომლის თანახმადაც "რელიგიური გრძნობების შეურაცხყოფა" დასჯადი ხდება, კრიტიკა მოჰყვა როგორც არასამთავრობო ორგანიზაციების, ასევე პოლიტიკური პარტიებისა და სახალხო დამცველისგან.
უჩა ნანუაშვილი ამბობს, რომ ეს კანონპროექტი ცალსახად წინააღმდეგობაში მოდის გამოხატვის თავისუფლების შესახებ საქართველოს კანონმდებლობასთან.