„რეფორმატორების“ თავმჯდომარე დავოსში გიორგი კვირიკაშვილის ვიზიტს სპეციალური ბრიფინგით გამოეხმაურა. ირაკლი ღლონტი პრემიერ-მინისტრის შეხვედრას კომპანია „ვიმპელკომის“ წარმომადგენლებთან, მოსალოდნელ საფრთხედ აფასებს და საქართველოს მთავრობას, ეკონომიკის სამინისტროს და კომუნიკაციების ეროვნულ კომისიას მოლაპარაკებების შეწყვეტისკენ მოუწოდებს.

„მიმაჩნია, რომ გიორგი კვირიკაშვილი წინამორბედისგან განსხვავებით მეტად კვალიფიციურია და ეს განწყობა სწორედ მისმა ბოლოდროინდელმა განცხადებებმა შემიქმნა, თუმცა დავოსში მისი შეხვედრა რუსული კომპანია ,,ვიმპელკომის’’ ხელმძღვანელობასთან და მსჯელობა ამ კომპანიის ინტერესებზე, მიმაჩნია არასწორად და ამით აშკარად გამოჩნდა, რომ ხელისუფლებას არ აქვს მკაფიოდ ჩამოყალიბებული კურსი ეროვნული უსაფრთხოების დასაცავად და ეკონომიკური უსაფრთხოების საკითხები მიშვებულია თვითდინებაზე. ,,ვიმპელკომი'', ეს არის კომპანია, რომლის აქციების 47.9% რუს ოლიგარქს, მიხაილ ფრიდმანს ეკუთვნის და რომელიც, საქართველოში ბილაინით ოპერირებს.

ამ კომპანიის შემადგენლობაშია რუსეთის თავდაცვის საწარმოთა თანამშრომლების მიერ დაარსებული და დღემდე მათ კონტროლს დაქვემდებარებული კომპანია ,,ვიმპელი''. ამ უკანასკნელის მიზანს ,,ინფორმაციის უნიფიცირებული გადამუშავების კომპლექსური სისტემის შექმნა'' წარმოადგენს. ჩვენთვის ცნობილია, რომ ,,ვიმპელკომის’’ მთავარი მიზანია კავკასუს ონლაინის კუთვნილი 1200 კილომეტრიანი ინტერნეტის კაბელის ხელში ჩაგდება, რომელიც 2008 წლის შემდეგ გამართულია შავი ზღვის ფსკერზე და ევროპიდან მოგვეწოდება ინტერნეტი. ამ გზით ხდება ინტერნეტის მიწოდება სომხეთისთვის და აზერბაიჯანისთვის. ვშიშობ, რომ რუსეთი ამ გზით შეძლებს საკომუნიკაციო და საინფორმაციო ნაკადებზე კონტროლის განხორციელებას. მიმაჩნია, რომ ეროვნული უსაფრთხოებიდან გამომდინარე დაუშვებელია საქართველოს ხელისუფლებამ, მათ შორის მარეგულირებელმა კომისიამ გამართოს მსჯელობა ზემოაღნიშნულ საკითხზე.

მოვუწოდებ პრემიერ მინისტრს, ეკონომიკის სამინისტროსა და კომუნიკაციების კომისიას, რომ შეწყვიტონ ამ საკითხზე მსჯელობა. „ვიმპელკომისთვის“ ქართული კომპანიის (კავკასუსი) მიყიდვა და ნებისმიერი გზით კონტროლის მექანიზმების გადაცემა იქნება უდიდესი