- ამ დრომდე უცნობია, რა შედეგით დასრულდება შეხვედრა საქართველოს ენერგეტიკის სამინისტროსა და გაზპრომის წარმომადგენლებს შორის. ინფორმაცია დღევანდელი შეხვედრის შესახებ გუშინ, ენერგეტიკის მინისტრისგან გახდა ცნობილი. კალაძის თქმით, მოლაპარაკებების პროცესს არ დაესწრება გაზპრომის ხელმძღვანელი ალექსეი მილერი.
- ერთიანი ნაციონალური მოძრაობა მზად არის პრემიერმინისტრს შეხვდეს და ანტიკრიზისული გეგმა გააცნოს. ამის შესახებ დღეს გამართულ ბრიფინგზე დავით ბაქრაძემ ისაუბრა. მისი თქმით, პარტიას მზად აქვს ქვეყნის ეკონომიკური კრიზისიდან გამოყვანის გეგმა. ნაციონალურ მოძრაობაში მიაჩნიათ, რომ უნდა გაუქმდეს მოგების გადასახადი და მოხდეს ეკონომიკური დანაშაულის დეკრიმინალიზაცია, პენსია კი 50 ლარით უნდა გაიზარდოს.
- პრეზიდენტის ადმინისტრაციაში ეროვნული ბანკის საბჭოს ახალი წევრის არჩევის საკითხზე იმსჯელეს. საქართველოს პრეზიდენტის მიერ პარლამენტისთვის კანდიდატურების წარდგენამდე, პრეზიდენტის ადმინისტრაციის უფროსი დღეს ეკონომიკურ ექსპერტებს შეხვდა. როგორც ესპერტებმა შეხვედრის დასრულების შემდეგ თქვეს, შეხვედრაზე ოთხი კანდიდატურა განიხილეს, თუმცა, მათი ვინაობა არ დაუსახელებიათ.
- ახალმა პოლიტიკურმა ცენტრმა დღეს მედიას ეკონომიკური პროგრამა წარუდგინა. გირჩის წევრები მიიჩნევენ, რომ საქართველოს ეკონომიკას დღეს სჭირდება დაბალი გადასახადები, მთავრობის შეკვეცა და უფლებამოსილებების შეზღუდვა, ასევე, დახმარებების ზრდა და საქართველოს სიმდიდრის სამართლიანი გადანაწილება ქვეყნის ყველა მოქალაქეზე.