- ვიცე-პრემიერმა 27 დეკემბერს გაზპრომ ექსპორტის გენერალურ დირექტორ ელენა ბურმისტროვასთან გამართულ შეხვედრასთან დაკავშირებით არაფერი უთქვამს. ცნობილია მხოლოდ ის , რომ Gazprom-მა, შესაძლოა, ტრანზიტისთვის გაზის 10%-ის ნაცვლად ფული გადაიხადოს.

- საარჩევნო სისტემაზე მომუშავე ინტერპარტიული ჯგუფი პრემიერისგან პასუხს ელოდება. არასაპარლამენტო ოპოზიციის წევრებმა გიორგი კვირიკაშვილს რამდენიმე დღის წინ მიმართეს და შეხვედრა სთხოვეს, სადაც საარჩევნო სისტემასთან დაკავშირებულ საკითხებს განიხილავენ. ამ თემაზე ინტერპარტიული ჯგუფი ხვალ კიდევ ერთხელ შეიკრიბება.
საარჩევნო სისტემის ცვლილების აუცილებლობაზე საუბრობენ საპარლამენტო ოპოზიციაშიც. უმრავლესობაში კი ამბობენ, რომ პრემიერთან შეხვედრის მოთხოვნა გაუგებარია.

- საქართველოში ტექნოლოგიური პარკი გაიხსნა, პარკი ნებისმიერ მსურველს უახლესი ტექნიკით აღჭურვილ ლაბორატორიებსა შესთავაზებს. ამ სივრცეში ინოვაციებით დაინტერესებულ ახალგაზრდებს ერთი ფანჯრის პრინციპით შეეძლებათ სასურველი მომსახურების მიღება, მაგალითად 3D პრინტერების მეშვეობით მათთვის სასურველი ნივთებისა და დეტალების გამოჭრა. ისინი ასევე შეძლებენ მარტივი მიკროსქემებეის აწყობასაც. პრემიერმინისტრ გიორგი კვირიკაშვილის შეფასებით ტექნოლოგიური პარკის იდეა მომავალში ჩადებული მნიშვნელოვან ინვესტიციას წარმოადგენს.