TV kvemo kartli-ის ინფორმაციით, რუსთავში ქორწილში დაწყებული ჩხუბი სიძის დაკავებით დასრულდა.
როგორც ირკვევა, წყვილი რესტორან "სავანეში" ჯვრისწერას აღნიშნავდა, როცა დაახლოებით 19 საათზე ჩხუბი დაიწყო. თვითმხილველების განცხადებით, სუფრის წევრებს შორის შეხლა-შემოხლა გინებას მოჰყვა, რის შემდეგაც ადგილზე პატრული გამოიძახეს. პოლიციის მოსვლის შემდეგ სიტუაციის დროული განმუხვტვა ვერ მოხერხდა, რის გამოც საჭირო გახდა დამატებით კიდევ რამდენიმე ეკიპაჟის გამოძახება.
ქორწილში მყოფი სტუმრების განცხადებით დაკავებულია სიძე და მისი მეგობარი. პატარძალი ინტერვიუში აცხადებს - "ჯვრისწერა მქონდა და ჩემი ქმარი წაიყვანეს, პოლიციამ შეაგინა ჩემი ქმრის ძმაკაცს და შემდეგ ატყდა ჩხუბი". დაკავებულის მხრიდან წინააღმდეგობის გაწევა და ხმაური უკვე რესტორნის ეზოში გაგრძელდა, თუმცა ინციდენტი მალევე ამოიწურა.