ქართული ოცნების ხელისუფლებში ყოფნის მესამე წელი მოსახლეობამ საკუთარ ჯიბეზე მართლაც იგრძნო, თუმცა უკეთესობისკენ - არა. გაუფასურებული ლარი - ეს ორი სიტყვა გასულ წელს ყველაზე ხშირად ისმოდა. ჯერ კიდევ წინა წლებში დაწყებული ეკონომიკური პრობლემები მოსახლეობას მძიმე ტვირთად დააწვა.
2015 წლის პირველი იანვარს ერთი დოლარი ლარი და ოთხომოცდარვა თეთრი ღირდა. მთავრობა ლარის გამყარებას გაზაფხულზე ელოდა. ეს პროგნოზი ისევე არ გამართლდა, როგორც ეკონომიკის 5%-იანი ზრდის მოლოდინი. პრობლემა სულ უფრო თვალში საცემი ხდებოდა, თუმცა ხელისუფლება იხტიბარს არ იტეხდა. ზემოთხსენებული დაპირების ავტორი ექსპრემიერი ივანიშვილი ლარის ჯანსაღ ქცევაზე საუბრობდა და მოსახლეობას ფულის უკეთესად განკარგვის მიზნით პირადი ბანკირების აყვანაც ურჩევდა.
ლარის ძველ ნიშნულზე გამყარებას მთავრობა აღარ ელოდება, ბიუჯეტის პროექტით 2016 წლის მანძილზე ერთი დოლარი ორი ლარი და ორმოცი თეთრი ეღირება.
http://tabula.ge