- საქართველომ ვიზალიბერალიზაციის სამოქმედო გეგმით ნაკისრი ვალდებულებები შეასრულა - ამის შესახებ საუბარია საქართველოს შესახებ ანგარიშში, რომელიც ევროკომისიამ დღეს გამოაქვეყნა. ანგარიშის მიხედვით, 2016 წლის დასაწყისში კომისია წარადგენს საკანონმდებლო წინადადებას რეგულაციაში ცვლილებების შესატანად.

- საქართველოს პრემიერმინისტრის განცხადებით, ევროკომისიის დღევანდელი ანგარიში არის პრინციპული თანხმობა უვიზო მიმოსვლაზე. როგორც დღეს გამართულ საგანგებო ბრიფინზე ირაკლი ღარიბაშვილიმა აღნიშნა, საქართველომ კიდევ ერთხელ დაამტკიცა, რომ ევროკავშირის აღმოსავლეთ პარტნიორობის ქვეყანათა შორის ლიდერი სახელმწიფოა.

- საქართველოს პრემიერი დღევანდელ მთავრობის სხდომაზე კიდევ ერთხელ გამოეხმაურა რუსეთის პრეზიდენტის გუშინდელ განცხადებას საქართველოსთვის ცალმხრივი სავიზო რეჟიმის შესაძლო გაუქმების შესახებ. ირაკლი ღარიბაშვილი ამბობს, რომ პუტინის ინიციატივა სწორი მიმართულებით გადადმული ნაბიჯია, საქართველოს ხელისუფლების საგარეო პოლიტიკა კი პრაგმატული და ქვეყნის ინტერესების შესაბამისია.

- საქართველოს პრემიერმინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე ამბობს, რომ საქართველოს ხელისუფლება ყველაფერს აკეთებს რუსეთთან ურთიერთობის ჩიხიდან გამოყვანისთვის. მინისტრთა ნაწილი კი ამჯობინებს, დღევანდელ დღეს ყურადღება ევროკავშირის ქვეყნებთან უვიზო მიმოსვლას დაუთმოს.

- საარჩევნო კოდექსში შესატან ცვლილებებს პარლამენტმა მეორე მოსმენით მხარი დაუჭირა. მანამდე კი საკანონმდებლო ორგანოში საარჩევნო კოდექსის განხილვა კამათში გადაიზარდა. სესიაზე ერთმანეთს ერთიანი ნაციონალური მოძრაობის წევრი კობა სუბელიანი და ქართული ოცნების დეპუტატი გიგა ბუკია დაუპირისპირდნენ. ოპოზიცია უმრავლესობას კოდექსის საკუთარ ინეტრესებზე მორგებაში ადანაშაულებს. უმრავლესობა კი უმცირესობის შენიშვნებს არ იზიარებს.