უკრაინის შინაგან საქმეთა მინისტრმა არსენ ავაკოვმა ოდესის გუბერნატორ მიხეილ სააკაშვილს მთავრობის სხდომაზე წყლით სავსე ჭიქა ესროლა. სკანდალური სხდომის ამსახველი ვიდეომასალა პრესისთვის ხელმისაწვდომი სულ ახლახან გახდა, მანამდე კი ამ ინციდენტის შესახებ ავაკოვმა Facebook-ზე დაწერა:
"ცოტა ხნის წინ სააკაშვილმა ჩემს კითხვაზე მის მიმართ - რატომ ჰქონდა ურთიერთობა ურალხიმის რუს ოლიგარქთან ოდესის საპორტო ქარხანაზე და როგორ არის ეს დაკავშირებული ამ ქარხნის პრივატიზაციასთან, მან საკუთარ თავზე კონტროლი დაკარგა.
ოდესის გუბერნატორი ისტერიკაში ჩავარდა და ყვირილი დამიწყო: "არავის აქვს უფლება, მიხეილ სააკაშვილს ასე ელაპარაკოს... შე კორუმპირებულო მინისტრო... მე კი პატიოსანი ადამიანი ვარ..." - გადმოვიდა პირდაპირ შეურაცხყოფაზე.