- კოკაინის საქმეზე მსჯავრდებული ანასტასია ზაუტაშვილი აცხადებს, რომ მას არანაირი თანხა არ მიუცია ეკა ბესელიასა და მანანა კობახიძისთვის. ზაუტაშვილი ჟურნალისტებს ადვოკატის მეშვეობით დაუკავშირდა.
დღეს განცხადება გაკეთდა პროკურატურაშიც. საგამოძიებო ორგანოს ინფორმაციით, ალეკო ელისაშვილის მიერ პროკურატურაში მოტანილ მობილურ ტელეფონში არ აღმოჩნდა იმ მაღალჩინოსნების მესიჯები, რომლებსაც ის ასახელებს
- გიგი უგულავას, ვანო მერაბიშვილისა და ბაჩო ახალაიას პატიმრობის პირობები უთანაბრდება არაადამიანურ და ღირსების შემლახავ მოპყრობას - ამის შესახებ საუბარია ევროპის საბჭოს წამების საწინააღმდეგო კომიტეტის საქართველოს შესახებ ანგარიშში. წამების საწინააღმდეგო კომიტეტის დელეგაცია საქართველოში საპატიმროებს 2014 წლის 1-დან 14 დეკემბრამდე აკვირდებოდა.
- საქართველოსა და უკრაინასთან უვიზო რეჟიმის ლიბერალიზაციასთან დაკავშირებით დასკვნას ევროკომისია დღეს აღარ გამოქვეყნებს. ამის შესახებ ინფორმაცია ევროკავშირის უმაღლესმა კომისარმა ფედერიკა მოგერინიმ დაადასტურა. მოგერინის თქმით, კომისია მუშაობას განაგრძობს და ანგარიშები სავარაუდოდ ამ თვეში გამოქვეყნდება.
საუბრის დასასრული