პარტიის ლიდერები კანონით განსაზღვრული რეგულაციებისა და სანქციების გამკაცრებას ითხოვენ.

როგორც პარტიაში აცხადებენ, არსებული კანონმდებლობის ცალკეული დეფინიციები ქმნის დამრღვევი პირებისთვის ხელსაყრელ პირობებს და ხელს უშლის საქართველოში ნარკომანიის წინააღმდეგ ბრძოლას, საბოლოოდ კი, საფრთხეს უქმნის საზოგადოების უსაფრთხოებასა და ჯანმრთელობას. წინადადების ავტორებს მიაჩნიათ, რომ ფინანსური სანქცია არ არის საკმარისად მკაცრი, რადგან სპეციალურ კონტროლს დაქვემდებარებული ფარმაცევტული პროდუქტის, აგრეთვე ლეგალური ბრუნვის რეჟიმის თვალსაზრისით მასთან გათანაბრებული სამკურნალო საშუალებების რეალიზაციიდან მიღებული შემოსავლები აშკარად აღემატება ჯარიმას.