საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი საგზაო მოძრაობის უსაფრთხოების პროგრამის პრეზენტაციას დაესწო. სიტყვით გამოსვლისას მინისტრმა განაცხადა, რომ პროგრამის ეფექტიანობისთვის აუცილებელია უწყებებმა კოორდინირებულად იმუშაონ. წარმოდგენილი კანონპროექტი გათვლილია მოკლე ვადაში შედეგების მიღებაზე, გრძელვადიან პერსპექტივაში კი იგი მიზნად ისახავს საგზაო მოძრაობის უსაფრთხოების სტანდარტების ამაღლებას და ამ სფეროს განვითარების ხელშეწყობას.