საქართველოს პრემიერ-მინისტრი უკრაინულ საიტებზე გავრცელებულ ჩანაწერებს ეხმაურება.
როგორც ირაკლი ღარიბაშვილმა აღნიშნა, დღეს საქართველოში კანონის უზენაესობა არის დაცული.

“გავრცელდა ყოფილი პრეზიდენტის, ამჟამად ოდესის გუბერნატორის საუბრის ჩანაწერები, რომელიც საკუთარ თავს ქინძს ეძახის. ჩემთვის ეს სასაცილოა, ჩვენ „ქინძის“ განცხადებებზე ვერ გავაკეთებთ სერიოზულ კომენტარს, მაგრამ მინდა ყველას ვუთხრა, რომ დღეს ჩვენი სახელმწიფო არის იმაზე ძლიერი, ვიდრე იყო სამი წლის წინ , იმიტომ, რომ დღეს ვართ დემოკრატიული სახელმწიფო, სადაც კანონის უზენაესობა არის და იქნება დაცული და ვერც ერთი მოქალაქე ვერ დადგება კანონზე მაღლა, ვერც “ქინძი” და ვერც ნებისმიერი სხვა მოქალაქე,”-განაცხადა ირაკლი ღარიბაშვილმა.

უკრაინულ ვებგვერდზე - uarevo.in.ua საქართველოს ყოფილ პრეზიდენტს მიხეილ სააკაშვილსა და მომღერალ სოფო ნიჟარაძეს შორის სატელეფონო საუბარი გამოქვეყნდა.
სააკაშვილი ნიჟარაძეს „რუსთავი 2“-ის მოვლენებზე ესაუბრება და ამბობს, რომ "მანდ სისხლისღვრა იქნება".
"სტო პრო" იქნება ქინძი ვიყო", - ამბობს სააკაშვილი.

#ირაკლიღარიბაშვილი #საქართველო #rustavi2 #სააკაშვილი #ქინძი