ბოლო კვირების მანძილზე ჩვენ ქვეყანაში ორი ძირითადი თემაა - ხელისუფლების დაუოკებელი სურვილი რაც შეიძლება სწრაფად მოახერხოს რუსთავი 2-ის, როგორც ოპოზიციური ტელევიზიის გაკონტროლება და საქართველოს მთავრობის ფლირტი რუსული იმპერიის მთავარ საყრდენთან, გაზპრომთან. მიუხედავად იმისა, რომ ქართული ოცნების წარმომადგენლებისთვის საქართველოს უცხოელი მეგობრებისა და დამკვირვებლების აზრის გაუთვალისწინებლობა უკვე ტრადიციაა, მათთვისაც კი გასაგები უნდა იყოს რომ ქვეყნის მთავარი, ყველაზე რეიტინგული და თან ოპოზიციური მედიის დახურვა, საერთაშორისო იზოლაციისკენ გადადგმული სერიოზული ნაბიჯია. ამ შემთხვევაში ხელისუფლებაში დარჩენის ერთადერთი გარანტი სწორედ რუსეთის ფედერაცია გახდება - მოსკოვში და ზოგადად რუსეთში კი როგორც ცნობილია მხოლოდ ცრემლების არ სჯერათ, ერთგულების შესაბამის გარანტიებში კი მთავარი ადგილი სწორედ საქართველოს ენერგოუსაფრთხოებას დათმობას უჭირავს - გაზპრომზე მიბმული საქართველო რუსეთისთვის იდეალური სამართავი იქნება.
რუსული ხაფანგისგან თავის დახსნას მხოლოდ აქტიური სამოქალაქო დაუმორჩილებლობითა და წინააღმდეგობით შევძლებთ - სუვერენიტეტისა და დემოკრატიის შენარჩუნებას ვერაფრით შევძლებთ იქ სადაც რუსული გაზი პერიოდულად თუ გაგვათბობს.
სწორედ ამიტომ 17 ნოემბერს, 16 საათზე მთავრობის კანცელარიასთან აქცია იმართება, რომლის ორგანიზატორია პლატფორმა - დაიცავი თავისუფლებაა - სწორედ ამ პლატფორმის ერთ-ერთი წევრია ტელეკომპანია ტაბულა.