ყველა, ვისი მეხსიერებაც გუშინდელ საინფორმაციო გამოშვებაზე ძველია, კარგად გაიხსენებს, რატომ წავიდა ემიგრაციაში მილიონამდე თანამოქალაქე. სწორედ იმიტომ, რომ ვერც პატრიარქის ნათლულმა ედუარდ-გიორგი შევარდნაძემ და მას მერე, ვერც მისმა სხვა მეგობარმა პოლიტიკურმა ჯგუფებმა, რომელთაც ძალაუფლებაში ყოფნის ზენიტში ის ოქრო-ვერცხლით აავსეს, ეკონომიკური პრობლემები სათანადოდ ვერ მოაგვარეს. ახლა კი ჯოხი კვლავ ქალებზე უნდა გადატყდნეს, საქართველოში დაბრუნდნენ, პატრიარქის ლოცვა-კურთხევით ქმრებს ფეხები ბანონ, მისივე კურთხევით შვილებს თოჯინების გაკეთება ასწავლონ, აღდგომიდან-აღდგომამდე ელოდონ როდის გაუნაწილებს საპატრიარქო ერთ მოზვერსა და შვიდ ყოჩს, ხოლო დიდი მარხვის პერიოდში ინატრონ, ნეტა სახლში ხიზილალა გვქონდეს, მისმა უწმიდესობამ რომ ხსნილად დაუშვაო. არა, ეს მანკიერება არ მოხდება, საპატრიარქოში კი მოუწევთ აიტანონ კრიტიკა, რადგან მისი ძალადობრივი მეთოდით ჩახშობაც აღარ მუშაობს.