ბიძინა ივანიშვილი ძალაუფლების შენარჩუნებისთვის ბრძოლის ახალ ეტაპზე გადავიდა. მისი მოქმედებებიდან ნათლად ჩანს, რომ მან 2016 წელს არჩევნებში გამარჯვების იმედი დაკარგა და ქვეყნის ერთპიროვნულ მმართველად დარჩენას ძალაუფლების უზურპაციის გზით ცდილობს.
გასულ ხუთშაბათს ევროპის საბჭოს საპარლამენტო ასამბლეამ, ევროპის ყველაზე ფართო საკანონმდებლო ფორუმმა, საქართველოს ხელისუფლება რუსეთის ხელისუფლებასთან ერთად წინასწარი პატიმრობების ბოროტად გამოყენებაში ამხილა. ხოლო ვანო მერაბიშვილი, სერგეი მაგნიტსკისთან ერთ კონტექსტში მოიხსენია.
სავარაუდოდ ივანიშვილმა არ იცის და ვერ უბედავენ ახსნას რას შეიძლება ნიშნავდეს ეს. შევეცდები მე განვუმარტო:
2012 წელს ამერიკის შეერთებული შტატების კონგრესის ორივე პარტიამ და ბარაკ ობამამ მიიღეს კანონი, სახელად მაგნიცკის აქტი. ეს აქტი გულისხმობს იმ ადამიანების სანქცირებას, რომლებსაც მაგნიცკის სიკვდილითან ჰქონდათ შეხება.
ანუ მაგნიცკი არის ადამიანი, რომელიც კანონის რანგშია აყვანილი და ვინც მასთან დააშავა, შეერთებული შტატები სანქციებს აკისრებს.
დასკვნები თქვენვის მომინდია.
უმკაცრესი რეზოლუციის მიღებიდან სამ დღეში ბიძინა ივანიშვილმა ნაციონალური მოძრაობის სამი აქტივისტი დააკავა. მათ თურმე დეპუტატი ლორთქიფანიძის პიჯაკი დაუზიანებიათ. ნიკა ნარსია, მირიან დეისაძე და კახა გაბუნია სისხლის სამართლის პასუხისგებაში მისცეს და ბოროტად გამოყენებული წინასწარი პატიმრობაც მიუსაჯეს. მათ ბ-ნი ლორთქიფანიძის პიჯაკის დაზიანებისთვის ოთხიდან შვიდ წლამდე პატიმრობა ემუქრებათ.
დღევანდელი თეორემა ივანიშვილის მიერ ძალაუფლების უზურპაციის მცდელობას ეძღვნება.