"სამსუნგმა" Galaxy Note 5 წარადგინა
#LastNews15
"სამსუნგმა" ნიუ იორკში ხუთშაბათს ახალი Galaxy Note 5 და Galaxy S6+ წარმოადგინა. Note 5-ი Super AMOLED-ის ეკრანით არის აღჭურვილი, რომლის დიაგონალი 5,7 დიუმია და QuadHD გაფართოება აქვს. ზუსტად ასეთივე მონაცემები ჰქონდა Galaxy Note 4-ს, მაგრამ ახალი მოდელი უფრო კომპაქტური და მსუბუქია.
სმარტფონს 8-ბირთვიანი პროცესორი Exynos 7420 აქვს და 4 გბ ოპერატიული მეხსიერება. Note 5-ის 32 და 64 გბ-იანი ვერსიების შეძენა იქნება შესაძლებელი, რომელიც ანდროიდ 5.1-ზე იმუშავებს. რაც შეეხება კამერას, ისევე, როგორც Galaxy S6-ს, Note 5-საც 16-მეგაპიქსელი აქვს.