#ჩეჩნეთში #ქალებისთვის #პლაჟი #გაიხსნა
გროზნოში, ტურისტული კომპლექსის ტერიტორიაზე ქალებისთვის განკუთვნილი პირველი პლაჟი გაიხსნა. სანაპიროს გარშემო 2-მეტრიანი ღობეა შემოვლებული, რომ მუსულმანმა ქალებმა ზაფხულის ცხელ დღეებში დასვენება შეძლონ. ახალი პლაჟი ასობით ქალმა ერთდროულად გახსნა.
პლაჟი ჩეჩნეთის დედაქალაქის შემოგარენში, წყალსაცავის სანაპიროზე მდებარეობს. ტურისტული კომპლექსის მშენებლობა სამი წლის წინ დაიწყო. მასში განთავსდება სანაპიროები მამაკაცებისთვის და ქალებისთვის, სასტუმროები, გასართობი ცენტრი და კინოთეატრი.