- უკანასკნელი მონაცემებით, 13 ივნისის სტიქას 19 ადამიანი ემსხვერპლა. დღეს დილით ცნობილი გახდა, რომ მაშველებმა ზოოპარკის ტერიტორიაზე კიდევ ერთი ახალგაზრდა ქალის ცხედარი იპოვეს. ამ დროისთვის დაკარგულად ითვლება სამი ადამიანი. კლინიკებში მკურნალობას კი ექვსი პაციენტი განაგძობს.

- საქართველოს ყოფილი პრემიერმინისტრი სტიქიის დროს მთავრობის მუშაობას დადებითად აფასებს, თუმცა ამბობს, რომ მას შეკითხვებიც აქვს. ბიძინა ივანიშვილის თქმით, ის პროცესებში აქტიურად იყო ჩართული, ურეკავდა მთვრობის წევრებს, პრემიერს და ტელევიზიით იღებდა ინფორმაციას. ტაბულას ჟურნალისტის კითხვაზე, თუ დროულად არ მოხდა რეაგირება და წინასწარ საჭირო ქმედებების გატარება სტიქიის დროს, უნდა დადგეს თუ არა შესაბამისი პირების პასუხისმგებლობის საკითხი, ყოფილი პრემიერი პასუხობს, რომ ენთუზიაზმს, რომ მთავრობიდან ვიღაც უნდა დაიჭირონ ის არ იზიარებს. ყოფილმა პრემიერმა სტიქიის შედეგად განადგურებულ ზოპაარკზეც ისაუბრა და აღნიშნა, რომ მას ზოოპარკი სადაც იყო, იმ ადგილას არასდროს მოსწონდა.

- ბიძინა ივანიშვილმა დღეს სტიქიის შესაძლო მიზეზზეც ისაუბრა. მისი თქმით, მდინარე ვერეს მილში მოქცევა არ შეიძლებოდა. ყოფილი პრემიერი აღნიშნავს, რომ ის ამ საქმის პროფესიონალი არ არის, თუმცა მისთვის მთის მდინარის მილში მოქცევა კითხვებს ბადებს. ყოფილმა პრემიერმა აღნიშნა ისიც, რომ ამის მუხედავად, სტიქია მაინც შეიძლებოდა მომხდარიყო.

- საქართველოს ექსპრემიერის ბიძინა ივანიშვილის თქმით, 13 ივნისის აღდგენითი სამუშაოებისთვის მთავრობამ უნდა ჩათვალოს, რომ ყველა საჭირო თანხა უკვე აქვთ. ექსპრემიერის თქმით, ყველა იმ თანხას, რასაც სახელმწიფო, კერძო სექტორი და საზოგადოება ვერ მოიძიებს, ის დაამატებს.

- ჯანდაცვის სამინისტრო მოხალისეებისა და ტრაგედიის ადგილას შესვლის მსურველთათვის რეკომენდაციებს ავრცელებს. სერგეენკოს თქმით თავიდან ასაცილებელია ის საფრთხეები, რომლებიც მსგავსი კატასტროფების შემდეგ ვრცელდება.