„მე ზუსტად იმდენი შემიძლია, რამდენიც შენ. ჩვენი ძალა უფრო დიდია, ვიდრე გვეგონა, ჩვენი სახელია - ქალაქი. ერთია თბილისი!“ - სოციალური კლიპი, რომლის რეჟისორიც გიორგი ოკმელაშვილია და სარეკლამო სააგენტოებმა HOLMES&WATSON; JWT Metro; Saatchi & Saatchi Tbilisi წარმოადგინეს, ინტერნეტში პოპულარობით სარგებლობს. კლიპი ქალაქში მიმდინარე დასუფთავების სამუშაოებს ეძღვნება, რომელიც დედაქალქში დატრიალებულ სტიქიას მოყვა.

სტიქიის ზონაში დასუფთავების სამუშაოები გრძელდება. ნაშალი მასალისაგან იწმინდება ყველა ტერიტორია, ზოოპარკიდან მიმდინარეობს სტიქიის შედეგად დამხრჩვალი ცხოველების ტერიტორიიდან გატანა. გაწმენდითი და სამძებრო სამუშაოები მიმდინარეობს მზიურში. პროცესი მაშველებისა და მოხალისეების კოორდინაციით ხორციელდება. ადგილზე განთავსებულია პირველადი დახმარების პუნქტები. გაწმენდითი სამუშაოები გრძელდება ჩიქოვანის ქუჩაზეც. ჩიქოვანის 30, 34 და 36 ნომერში მდებარე კორპუსებთან სპეციალური ტექნიკა მუშაობს. სამუშაოები გრძელდება კოსტავას 63-შიც. სადაც მერიის შესაბამისი სამსახურის წარმომადგენლებთან ერთად მოხალისეები და სტუდენტები მუშაობენ.
#წყალდიდობა