გარემოს დაცვის სამინისტროს ინფორმაციით, თბილისში, დღის მეორე ნახევარში ხანმოკლე წვიმა და ქარის შკვალური გაძლიერებაა მოსალოდნელი.
„ამინდის მოსალოდნელი გაუარესების გამო, გაწმენდითი სამუშაოები დროებით შეჩერდება, ხორცილედება მონიტორინგი. უსაფრთხოების მიზნით, მიმდინარეობს ვერეს ხეობაში მომუშავე ადამიანების გამოყვანა“, - ნათქვამია სამინისტროს განცხადებაში.
ამინდის მოსალოდნელი გაუარესების გამო, ვერეს ხეობაში, ზოოპარკის მიმდებარე ტერიტორიაზე, სვანიძის ქუჩასა და „მზიურში“ ევაკუაცია გამოცხადდა.
აღნიშნული ტერიტორიებიდან შესაბამისი ტექნიკა გაყავთ. ხდება მოხალისეების გამოყვანაც, რომლებიც ადგილზე სტიქიის შედეგების სალიკვიდაციო სამუშაოებს აწარმოებდნენ.
სტიქიის ზონაში სამაშველო-გაწმენდითი სამუშაოები დროებით ჩერდება.
#წყალდიდობა #ევაკუაცია