- მთავრობამ დადგენილ ვადაში ბიუჯეტის სეკვესტრირების გეგმა ვერ წარადგინა - სამ საათიანი მსჯელობის შემდეგ ფინანსთა სამინისტროს მიერ მომზადებული ხარჯების შეკვეცის წინასწარი ვარიანტი მთავრობამ არ მიიღო და დამატებითი კონსულტაციებისთვის ერთ კვირიანი ვადა დაინიშნა.

- საპარლამენტო უმრავლესობის ნაწილი მთის სამინისტროს შექმნის აუცილებლობაზე ალაპარაკდა, მთავრობაში თანაგუნდელებისგან მეტ არგუმენტებს ელიან, წელს კი ახალი სამინისტროს შექმნას გამორიცხავენ. საპარლამენტო ოპოზიციაში მიიჩნევენ, რომ მთიან რეგიონებს ბიუროკატია კი არა, ტურიზმის ზრდა სჭირდება.

- საარჩევნო სისტემასთან დაკავშირებით ხელისუფლების არგუმენტები არასამთავრობო ორგანიზაციების წარმომადგენლებისთვის მიუღებელია - მათი თქმით, ცვლილებების განხორციელება 2016 წლის არჩევნებისთვის ესწრება, უბრალოდ ხელისუფლებას ეს არ სურს.

- თავისუფალმა დემოკრატებმა ეკონომიკური პროგრამა წარადგინეს, რომელმაც მათი რწმენით საქართველო კრიზისიდან უნდა გამოიყვანოს და ეკონომიკის ზრდას შეუწყოს ხელი - ხედვა საგადასახადო ლიბერალიზაციასა და საინვესტიციო გარემოს გაუმჯობესებას გულისხმობს.

- ოდესის გუბერნატორმა მიხეილ სააკაშვილმა ინტერვიუ ქსენია სობჩაკს, ტელეკომპანია დოჟდის წამყვანს მისცა.სააკაშვილმა ინტერვიუში ოდესაში გასატარებელ რეფორმებზე, ასევე საქართველოში მისი პრეზიდენტობის პერიოდზე ისაუბრა.