მთის კანონპროექტის საბოლოო ვერსიაზე მთავრობამ მუშაობა დაასრულა. კანონპროექტის საკომიტეტო განხილვა პარლამენტში უახლოეს დღეებში გაიმართება. სახელმწიფოს მიერ მაღალმთიანი რეგიონების მიმართ წარმოებული პოლიტიკა წარმოადგენს ქვეყნის რეგიონული განვითარების პოლიტიკის ნაწილს და მიმართულია ქვეყნის მთელ ტერიტორიაზე თანაბარი სოციალურ-ეკონომიკური განვითარების უზრუნველყოფისა და მაღალმთიან რეგიონში მცხოვრებ პირთა სოციალურ-ეკონომიკური პრობლემების გადაჭრისაკენ. კანონპროექტი მთიან რეგიონებში მცხოვრები მეწარმეების, პენსიონერების, სამედიცინო პერსონალისა და პედაგოგებისთვის შეღავათებს ითვალისწინებს. ამასთან, გაიზრდება სკოლების ვაუჩერული დაფინანსება. სახელმწიფოს მიერ მაღალმთიანი რეგიონების მიმართ წარმოებული პოლიტიკა მიმართულია მაღალმთიან რეგიონში მცხოვრებ პირთა კეთილდღეობის, ცხოვრების დონის ამაღლების, დასაქმების ხელშეწყობის, ეკონომიკური და სოციალური მდგომარეობის გაუმჯობესებისაკენ.