ნანა გაბელია, ბიძინა ივანიშვილის კომპანია შპს „ბურჯისგან“ კომპენსაციას ითხოვს. ამ მოთხოვნის მიზეზი, კი აღნიშნულ კომპანიაში სამსახურეობრივი მოვალეობის შესრულების დროს დაღუპული მისი მეუღლეა.
როგორც გაბელია აღნიშნავს, მისი მეუღლე შპს „ბურჯში“ რამდენიმე წელი მუშაობდა, მას 3 შვილი დარჩა, ახლა ოჯახი სოციალურად დაუცველია, თუმცა კომპანიას ეს მდგომარეობა არ გაუთვალისწინებია და მათი პრობლემებით არ დაინტერესებულა, არც კომპენსაცია გაუცია და არც სხვა რაიმე სახის დახმარება.
ნანა გაბელიას თქმით, მან ქალაქის მერსაც მიმართა, თუმცა პრობლემებით დაინტერესება არც დავით ნარმანიას არ გამოუხატავს.
სოციალურად დაუცველ, მარჩენალდაკარგულ ოჯახში, რომელსაც 42 ათასი სარეიტინგო ქულა აქვს, ნიკა მელია იმყოფებოდა, რომელმაც მათ იურიდიული დახმარება აღუთქვა, რითაც შპს ბურჯი იძულებული იქნება ოჯახს კომპენსაცია გადაუხადოს.
მელიას განცხადებით, ასეთი ოჯახების და პრობლემების არსება ქვეყნის არაფორმალური ლიდერის ნამდვილი სახეა.