- საქართველოს ყოფილი პრემიერმინისტრი ბიძინა ივანიშვილი ეროვნული ბანკის პრეზიდენტს კიდევ ერთხელ ესხმის თავს. ამჯერად ივანიშვილი ამბობს, რომ მას საერთაშორისო სავალუტო ფონდის წარმომადგენელმა პირად შეხვედრაზე სთხოვა, გიორგი ქადაგიძე არ დაეჭირათ, რაც მან გაითვალისწინა. ივანიშვილის თქმით, სწორედ ამის შემდეგ შეაჩერა პროკურატურაში ქართუ ბანკთან დაკავშირებული განცხადების მსვლელობა, რადგან ეს საკითხი პირადი იყო და ამის გაკეთება შეეძლო. გუშინ, გადაცემა 2030-ში მთავარი პროკურორის მოადგილემ ირაკლი შოთაძემ თქვა, რომ რამდენიმე, მათ შორის ქართუ ბანკის საკითხზე, გიორგი ქადაგიძეს დაკითხავენ, როდესაც ამის საჭიროება დადგება. ბიძინა ივანიშვილი დღეს ამბობს, რომ როგორც ჩანს, ეროვნული ბანკის პრეზიდენტს დარღვევები კიდევ აქვს, მაგრამ ამას დამტკიცება სჭირდება. IMF-ის წარმომადგენელთან შეხვედრაზე, რომელიც ივანიშვილმა გაიხსენა, კომენტარი ფინანსთა მინისტრმაც გააკეთა.
- საქართველოს ყოფილმა პრემიერმა დღეს ქვეყნის ყოფილ პრეზიდენტზეც ისაუბრა. ბიძინა ივანიშვილი თვლის, რომ მიხეილ სააკაშვილი გაკოტრებული პოლიტიკოსია და მან შალვა ნათელაშვილს გადააჭარბა.
- ბიუჯეტის სეკვესტირებული ვარიანტი ფინანსთა მინისტრმა მთავრობას უახლოეს ერთ კვირაში უნდა წარუდგინოს - ეს ვადა ნოდარ ხადურს დღეს პრემიერმა ღარიბაშვილმა განუსაზღვრა. ჯერჯერობით უცნობია, რა მიმართულებით შემცირდება ხარჯები.
- ხელისუფლების ეკონომიკური გუნდის წარმომადგენლებმა და ბიზნესომბუდმსმენმა დღეს ეროვნული ბანკიდან საბანკო ზედამხედველობის სამსახურის გამოყოფის შესახებ კომერციული ბანკების წარმომადგენლებთან შეხვედრა გამართეს. ამ საკამათო ინიციატივას, როგორც დღეს გაირკვა, ბიძინა ივანიშვილიც ემხრობა. დღევანდელ შეხვედრაზე არ იყვნენ ეროვნული ბანკის წარმომადგენლები.