- როგორ მოსალოდნელი იყო, რიგის სამიტზე საქართველოსა და უკრაინას სავიზო რეჟიმის გამარტივებაზე უარი ეთქვათ. შესაბამისი დეკლარაცია რამდენიმე საათის წინ გასაჯაროვდა. დოკუმენტი 30 პუნქტიანია და მასში ნათქვამია, რომ მიესალმებიან საქართველოსა და უკრაინის პროგრესს. ქვეყნებისგან ვიზალიბერალიზაციის სამოქმედო გეგმის იმპლემენტაციის დასრულებას, ყველა აუცილებელი რეფორმის გატარებასა და კრიტერიუმის დაკმაყოფილებას ელიან. სამიტი ასევე მიესალმება კომისიის მზადყოფნას, მხარი დაუჭირონ უკრაინას და საქართველოს ამ ნაბიჯების გადადგმაში. დოკუმენტის მიხედვით, კომისია მიღწეულ შედეგებს 2015 წლის ბოლოს შეაჯამებს.

- საქართველოს პრემიერმინისტრმა რიგის სამიტის შედეგებს წარმატებულს უწოდებს. პრემიერმინისტრის ამ შეფასებას საპარლამენტო უმრავლესობის წევრებიც ეთანხმებიანოპოზიცია კი სამიტს და აქ დეკლარაციას უარყოფითად აფასებს. ნაციონალურ მოძრაობაში თქვეს, რომ საქართველო რიგის სამიტზე ვერაფერი მიიღო და ეს პოლიტიკური ოპონენტების პოლიტიკური დევნით, ასევე რეფორმების ვერ განხორციელებით არის გამოწვეული.

- ეროვნული ბანკის ბოლო მონაცემებით, ლარი გამყარების ხანმოკლე ტენდენციის შემდეგ, დოლართა მიმართებაში კვლავ, ამჯერად - 2 თეთრით გაუფასურდა, ევროსთან კი 3 თეთრით. ლარი გაუფასურებამდე ფინანსთა მინისტრი ამბობდა, რომ ეკონომიკური ფაქტორები ამოწურული იყო და სავალუტო კრიზისის მიზეზი აჟიოტაჟური სიტუაცია იყო. ხადურის თქმით, იგეგმება ბიუჯეტის კორექტირებაც, თუმცა სოციალური ხარჯები არ შემცირდება. ტექნიკურ მოთხოვნას უკავშირებდა ლარის გამყარებას რომან გოცირიძეც. მისი შეფასებით, იმისთვის, რომ ტენდენცია შენარჩუნებულიყო, საჭიროა ბიუჯეტის სეკვეტრი. პრეზიდენტის მრჩევლის, გიორგი აბაშიშვილის თქმით, გამყარების ძირითადი მიზეზი სავალუტო შემოდინებების გაზრდა იყო, მათ შორის ტურისტული სეზონის დაწყებაც. აბაშიშვილის შეფასებით, ამ ერთი გადაადგილებით გრძელვადიან პესრპექტივაზე საუბარი შეუძლებელია.