- ლატვიის დედაქალაქში აღმოსავლეთ პარტნიორობის სამიტი გაიხსნა. რიგაში იმყოფება საქართველოს დელეგაცია პრემიერის ხელმძღვნელობით. ქართული მხარე ოპტიმისტურ განწყობას ინარჩუნებს, თუმცა უკვე ცნობილია, რომ ევროკავშირთან უვიზო რეჟიმზე გადასვლა ამ ეტაპზე არ მოხდება, დეკლარაციაში, როგორც ცნობილია, არც ევროკავშირის წევრობის პერსპექტივა იქნება გათვალისწინებული. საქართველოს საკუთარი მიზნების მისაღწევად შემდგომი მუშაობა მოუწევს.
- რიგაშია საქართველოს ყოფილი პრეზიდენტიც. მიხეილ სააკაშვილი ევროპის სახალხო პარტიის ღონისძიებას ესწრება, რომელიც აღმოსავლეთ პარტნიორობის სამიტის პარალელურად მიმდინარეობს. სააკაშვილის თქმით, საქართველომ ვიზალიბერალიზაციისათვის საჭირო კრიტერიუმები ვერ შეაასრულა. მან ასევე აღნიშნა, რომ ასოცირების შეთანხმების ხელმოწერამდე საქართველო წინა ხელისუფლების მიერ დატოვებული ინერციით მივიდა. ექსპრეზიდენტმა საქართველოში პოლიტიკურ დევნაზეც ისაუბრა.
- ხელნაწერთა ეროვნული ცენტრის თანამშრომლები პროტესტს აგრძელებენ. დღეს მათ სპეციალური განცხადება გააკეთეს და პრობლემის მოგვარება პრეზიდენტს და პრემიერმინისტრს სთხოვეს. მათი თქმით, განათლების მინისტრის განცხადება, თითქოს შიდა აუდიტის დასკვნა მძიმეა, სიმართლეს არ შეესაბამება.
- მდგომარეობა ციხეებში, პატიმრების მიმართ მოპყრობა, უმცირესობების უფლებები, ყოფილი მაღალჩინოსნების საქმეები - ამ საკითხებზეა საუბარი სახალხო დამცველის ანგარიშში, რომელსაც ადამიანის უფლებათა დაცვის კომიტეტზე უსმენენ. მოსმენას ესწრებიან სასჯელაღსრულებისა და პროკურატურის, შინაგან საქმეთა სამნისტროს, იუსტიციისა და განათლების სამინისტროს წარმომადგენლები.