- საქართველოს სახელმწიფო ბიუჯეტის კორექტირება, სავარაუდოდ, მეორე კვარტლის ბოლოს მოხდება, სწორედ ამ დროს ექნება მთავრობას შემცირებული ეკონომიკური ზრდის დაზუსტებული მაჩვენებელი. ხელისუფლების წევრებიც ადასტურებენ, რომ ქვეყნის მთავარი ფინანსური დოკუმენტის შეცვლა მოსალოდნელია, თუმცა, ჯერჯერობით უცნობია, კონკრეტულად რა მიმართულებით მოხდება ეს - ამ ეტაპზე ცნობილია ის, რომ არ იგეგმება სოციალური და ინფრასტრუქტურული ხარჯების შეკვეცა.

- საქართველოს დელგაცია პრემიერის ხელმძღვნელობით რიგის მოახლოებული სამიტისთვის ემზადება. ხელისუფლება სამიტს პოზიტიური მოლოდინებით ხვდება, თუმცა დეკლარაციის პროექტი, რომელიც დასავლურმა მედიამ ცოტა ხნის წინ მოიპოვა, შესაძლოა, მსგავსი ოპტიმიზმის საბაბს არ იძლეოდეს.

- მართლმსაჯულების სახლში დღეს მართლმსაჯულების რეფორმის განხილვა მიმდინარეობდა. ხმაური გამოიწვია რამდენიმე ცვლილებამ - მოსამართლეთა დიდი ნაწილი არ ემხრობა ინსპექტორის ინსტიტუტის შემოღებასა და სასამართლოს თავმჯდომარეების ვადამდე ადრე უფლებამოსილების შეწყვეტის დაკანონებას.