ჰომოფობიასთან და ტრანსფობიასთან ბრძოლის საერთაშორისო დღესთან დაკავშირებით, მრგვალ ბაღში არასამთავრობო ორგანიზაციები შეიკრიბნენ. უსაფრთხოების მიზნით, მრგვალი ბაღის ყველა შესასვლელი გადაკეტილი იყო. შეკრების მიზანი 2012 წლის 17 მაისს მომხდარ მოვლენებთან დაკავშირებით ადამიანის უფლებათა ევროპული სასამართლოს გადაწყვეტილების საზოგადოებასთვის გაცნობა იყო. აქციის მონაწილეებს თან ჰქონდათ პოსტერები, რომლებზეც ევროსასამართლოს გადაწყვეტილებიდან ციტატები ეწერა. აქციას ესწრებოდნენ მმართველი გუნდისა და ოპოზიციის წევრები. თამარ კორძაიას თქმით, მნიშვნელოვანია, რომ ხელისუფლებამ შეძლო აქციის მშვიდ გარემოში ჩატარება. ჩიორა თაქთაქიშვილმა კი აღნიშნა, რომ თუ 2013 წლის 17 მაისს მოძალადები პირები კანონის შესაბამისად დაისჯებოდნენ, დღეს უსაფრთხოების მსგავსი ზომების მიღება საჭირო არ გახდებოდა. ჰომოფობიასა და ტრანსფობიასთან ბრძოლის დღის აღსანიშნავად არასამთავრობო ორგანიზაციის წევრებიც შეიკრიბნენ. მათი შეფასებით, 2012 წლის 17 მაისთან დაკავშირებული გადაწყვეტილება მნიშვნელოვანი პრეცენდენტია. მრგვალი ბაღის მიმდიებარე ტერიტორიაზე იმყოფებოდნენ მართლმადიდებელ მშობელთა კავშირის წევრები, თუმცა მათ აქციაზე მისვლის შესაძლებლობა პოლიციამ არ მისცა. აქცია გაიმართა იუსტიციის სამინისტროსთანაც. არასამთავრობო ორგანიზაციები წევრები იუსტიციის სამინისტროსგან იმ პრობლემების მოგვარებას ითხოვდნენ, რომლებიც ტრანსგენდერ პირებს სქესის შეცვლასთან დაკავშირებით ექმნებათ.