- დღეს EBRD-ის ეკონომიკური ზრდის პროგნოზი გამოქვეყნდა, რომლის მიხედვითაც საქართველოს ეკონომიკა წელს 2.3%-ით გაიზრდება, რაც საქართველოს ბიუჯეტით დადგენილ 5%-იან ზრდასთან შედარებით ორჯერ ნაკლებია. EBRD-ის პროგნოზი, სხვა საერთაშორისო ოროგანიზაციებთან, მათ შორის სავალუტო ფონდთან და მსოფლიო ბანკთან შედარებით, უფრო ოპტიმისტურია, რადგანაც სხვა ორგანიზაციების პროგნოზით წელს საქართველოს ზრდა მხოლოდ 2% იქნება.

- ლარი გაუფასურებას განაგრძობს, როგორც ევროსთან, ასევე დოლართან. ფინანსთა მინისტრი ექსპერტებს მოუწოდებს, თავი შეიკავონ უარყოფითი პროგნოზებისგან. ნოდარ ხადური ამბობს, რომ გაცვლით კურსზე ფსიქოლოგიური ფაქტორებიც მოქმედებს. თავის მხრივ, ეროვნული ბანკის პრეზიდენტი გრძელვადიან პერიოდში ლარის გაუფასურებას არ ელოდება.

- იბიარდის ბიზნესფორუმი მთელი დღეა მიმდინარეობს. EBRD-ის კონფერენციაზე კონკრეტული საინვესტიციო პროექტები განიხილება. საქართველოს ხელისუფლება ინვესტორებს უსაფრთხო გარემოსა და გამჭვირვალე, პროგნოზირებად კანონმდებლობას ჰპირდება.

- საქართველოსა და რუსეთის პირველი პირების შესაძლო შეხვედრის საკითხი კვლავ აქტუალური ხდება. ამჯერად ამ თემაზე გრიგორი კარასინმა რია ნოვოსწისთან ისაუბრა. კარასინს საქართველოში აბაშიძე გამოეხმაურა, ის ამბობს, რომ მოსკოველ კოლეგასთან ამ დრომდე გამართულ არც ერთ კონსულტაციაზე ეს საკითხი არ განუხილავთ, სამაგიეროდ, დადასტურდა, რომ ფორმატის გაფართოვებაზე კონსულტაციები მიმდინარეობს.