- ლარის კურსმა დღეს გასული თექვსმეტი წლის მინიმუმს მიაღწია. ეროვნული ბანკის ოფიციალური კურსის მიხედვით ხვალ ერთი ამერიკული დოლარი 2.36 თეთრი ეღირება. ევროსთან მიმართებით კი ლარი დღეს მთელი ოთხი თეთრით გაუფასურდა.

- ბრიტანულმა ჟურნალმა The Banker-მა ევროპის 2014 წლის საუკეთესო ცენტრალური ბანკის მმართველის ჯილდო საქართველოს ეროვნული ბანკის პრეზიდენტს გიორგი ქადაგიძეს დღეს გადასცა. The Banker-ის ევროპის რედაქტორის, სტეფანი ლინჰარტის თქმით, ამ ჯილდოს ყოველწლიურად ცენტრალური ბანკის ის მმართველები იღებენ, რომლებიც სწორ ეკონომიკურ პოლიტიკას ახორციელებენ, იმისდა მიუხედავად, თუ რამდენად პოპულარულია მათი გადაწყვეტილებები.

- საქსტატის მონაცემებით წელს საქართველოს ექსპორტი 26%-ით შემცირდა. ექსპორტის შემცირება საქართველოს კერძო სექტორის მიერ უფრო ნაკლები რაოდენობით საქონლის გამოშვებაზე მეტყველებს. ექსპორტის შემცირებას ლარის კურსზე უარყოფითი გავლენა აქვს, რადაგანაც ექსპორტი უცხოური ვალუტის შემოდინების მნიშვნელოვან წყაროს წარმოადგენს.

- დღეს ეროვნულ დემოკრატიულმა ინსტიტუტმა პოლიტიკური რეიტინგები გამოაქვეყნა - საპარლამენტო უმრავლესობის ერთი ნაწილი აღიარებს, რომ მმართველი გუნდის რეიტინგის დაცემა ეკონომიკური მდგომარეობის გაუარესებამ და, აქედან გამომდინარე, მოსახლეობის უკმაყოფილებამ გამოიწვია. კოალიცია ქართული ოცნების მეორე ნაწილი კი კვლევას კვლავ არ ენდობა.

- კვლევის თანახმად, მათმა რიცხვმა, ვინც პოლიციის საქმიანობას დადებითად აფასებს, ბოლო ერთი წლის განმავლობაში იკლო.წინა კვლევებთან შედარებით შემცირდა პარლამენტის საქმიანობით კმაყოფილთა რიცხვიც. რაც შეეხება სამინისტროებს, აქ პირველ ადგილს ჯანდაცვის სამინისტრო იკავებს, მას მოსდევს იუსტიციისა და განათლების სამინისტროები.