პარლამენტში განხილვის დროს კიდევ ერთხელ გამოჩნდა, რომ მთავრობა არ არის მზად თვალი გაუსწოროს იმ პრობლემებს, რომლის წინაშეც ჩვენი ხალხი და ჩვენი საზოგადოება დღეს დგას. ასევე, კიდევ ერთხელ გამოჩნდა, რომ მთავრობა ვერ სთავაზობს ვერანაირ გამოსავალს და განვითარების გეგმას ამ ქვეყანას. ამიტომ, სამწუხაროდ, არსებული შემადგენლობით, არსებული მიდგომით და არსებული მოქმედების სტილით ეს მთავრობა მხოლოდ გააღრმავებს შექმნილ კრიზისს, მხოლოდ გააუარესებს ხალხის ისედაც გაუარესებულ ეკონომიკურ მდგომარეობას და ვერაფერ პოზიტიურს ვერ შესთავაზებს ქვეყანას. სწორედ ამიტომ , ჩვენი პოზიცია მთლიანად ემთხვევა საზოგადოების პოზიციას, რომ აუცილებელია რადიკალური ცვლილებები, აუცილებელია რადიკალური განახლება და აუცილებელია არსებული მთავრობის მთლიანად წასვლა და ჩანაცვლება.