ხელნაწერთა ეროვნული ცენტრის მხარდასაჭერად აქცია გაიმართა. აქციაზე ცნობილი გახდა, რომ ბუბა კუდავა ცენტრის დირექტორის თანამდებობაზე გამოცხადებულ კონკურსში მონაწილეობას მიიღებს. ცენტრის თანამშრომლებმა განათლების მინისტრის სახელზე მიმართვა მოამზადეს, რომელშიც მასთან სრული შემადგენლობით შეხვედრას ითხოვენ. აქციის მონაწილეები ბუბა კუდავას პოლიტიკური მოტივით დევნაზე საუბრობენ. მათი მტკიცებით, განათლების მინისტრის გადაწყვეტილების მიზეზი კუდავას მიერ ცენტრის შენობის გასხვისებისა და ლაილაშის ბიბლიის ისრაელისთვის გადაცემის საკითხზე გამოხატული პროტეტესტი გახდა. ხელნაწერთა ეროვნულ ცენტრსა და განათლების სამინისტროს შორის არსებულ დაპირისპირებაზე საკანონმდებლო ორგანოს წევრებმაც ისაუბრეს. ნაციონალური მოძრაობა საკითხის განათლების კომიტეტში განხილვას ითხოვს. ხელნაწერთა ეროვნული ცენტრის შესახებ საკომიტეტო მოსმენას არ გამორიცხავენ საპარლამენტო უმრავლესობაშიც.