იმერეთის სამხარეო ადმინისტრაციაში ადგილობრივი თვითმმართველობის წარმომადგენლებისთვის სემინარი ჩატარდა. ტრენინგი პროექტის "მიგრაციის მართვის გაძლიერება საქართველოში" ფარგლებში ჩატარდა. სემინარს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე გრიგოლ გიორგაძე, იმერეთში სახელმწიფო რწმუნებულის–გუბერნატორის მოადგილე იოსებ ხახალეიშვილი და მიგრაციის საკითხთა სამთავრობო კომისიის სამდივნოს წარმომადგენლები ესწრებოდნენ.