„ევროპული მხარის შეფასებაა, რომ საქართველო არის ლიდერი ასოცირების შეთანხმების იმპლემენტაციის თვალსაზრისით. საქართველო „აღმოსავლეთ პარტნიორობის“ ქვეყნებს შორის გამოირჩევა მაღალი მხარდაჭერით ევროკავშირის და ევროპული მისწრაფების მიმართ. საქართველომ ღრმა და ყოვლისმომცველი თავისუფალი სავაჭრო სივრცის ფარგლებში მნიშვნელოვანი პროგრესი უკვე განიცადა. ჩვენი ექსპორტი პირველი სამი თვის განმავლობაში 21 %-ით გაიზარდა. მარტის თვეში საქართველოსთვის ევროკავშირი გახდა ყველაზე დიდი, მსხვილი სავაჭრო პარტნიორი. რაც შეეხება უშუალოდ ვიზა ლიბერალიზაციას და მის სამოქმედო გეგმას, ჩვენ დავასრულეთ ყველა სამოქმედო გეგმით განსაზღვრული ასე ვთქვათ სამუშაოები, რეფორმები. ანუ შევასრულეთ ის ე.წ. საშინაო დავალება რომელიც განსაზღვრული იყო ევროკომისიის მიერ. შესაბამისად, რა თქმა უნდა მოლოდინი გვაქვს იმისი, რომ ეს პროგრესი რაც საქართველომ განიცადა იქნება სათანადოდ აღნიშნული რიგის სამიტზეც. “ - განაცხადა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ ტელეკომპანია „მაესტროს“ საინფორმაციო გადაცემა „ცხრიანის“ პირდაპირ ეთერში.