- თბილისში სახელმწიფო ვიზიტით მყოფი ალექსანდრ ლუკაშენკო საქართველოს კათოლიკოს პატრიარქს შეხვდა. მათ მისასალმებელ სიტყვაში ორ ქვეყანას შორის ურთიერთობებზე ისაუბრეს.

- ვიზიტის ცენტრალური შეხვედრა პრეზიდენტმა ლუკაშენკომ დღეს ქართველ კოლეგასთან გამართა. პრეზიდენტებმა ერთობლივი პრესკონფერენცია ავლაბრის საპრეზიდენტო სასახლეში გამართეს. ლუკაშენკომ დაადასტურა, რომ საქართველოს ოკუპირებულ ტერიტორიებთან მიმართებაში არაღიარების პოლიკას ინარჩუნებს, თუმცა აღნიშნა ისიც, რომ სასურველია, „ვიცხოვროთ ერთ ოჯახში, როგორც ოდესღაც“.
ბელარუსის პრეზიდენტი საქართველოს პრემიერმინისტრსაც შეხვდა. პრესსამსახურის ინფორმაციით, ირაკლი ღარიბაშვილმა და ალექსანდრე ლუკაშენკომ საქართველო-ბელარუსის ურთიერთობები განიხილეს. პრემიერმა ბელარუსის პრეზიდენტს საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა და ორი ქვეყნის ურთიერთობის გაღრმავების იმედი გამოთქვა.

- ერთიანი ნაციონალური მოძრაობა გურჯაანის გამგეობაში კორუფციასა და ტენდერების პირობების დარღვევაზე საუბრობს. პარტიამ დღეს ანტოკორუფციული მოკვლევის შედეგები წარმოადგინა. ბრასლდებებს უარყოფს გურჯაანის გამგებელი.

- ერთიანი ნაციონალური მოძრაობა ვარაუდობს, რომ თბილისის მერიის საბანკო კონკურსში ქართუ ბანკი გაიმარჯვებს. პარტიის წევრების თქმით, ამ ვარაუდის საფუძველს თავდაპირველად გამოცხადებული კონკურსის ჩაშლა და ხელახლა გამოცხადება იძლევა. თავის მხრივ, თბილისის მერი გამჭვირვალე კონკურსზე საუბრობს.

- ელექროენერგიის ფასი, შესაძლოა, გაიზარდოს - ენერგოპრომ ტარიფის გადახედვის მოთხოვნით საქართველოს ენერგეტიკისა და წყალმომარაგების მარეგულირებელ კომპანიას მიმართა. ენერგოპროს მოთხოვნის შესწავლისთვის სემეკს ექვსთვიანი ვადა აქვს. ტარიფის ცვლილება თბილისისა და კახეთის გარდა მთელ საქართველოს შეეხება.