დღეს საქართველოს ვიცეპრემიერმა და ენერგეტიკის მინისტრმა კახა კალაძემ ელექტროენერგიის ტარიფთან დაკავშირებით მიმართვა გაავრცელა. კახა კალაძე ტარიფის შემდგომ ზრდას არ გამორიცხავს. მინისტრი აღნიშნავს, რომ თუ რომელიმე კომპანიამ ვალუტის კურსის ცვლილების გამო მიიღო ზარალი და სემეკს მიმართა, ეს არის ჩვეულებრივი მოვლენა და არა აჟიოტაჟის საფუძველი.
თავის მხრივ, საქართველოს პრემიერი ირწმუნება, რომ ამ ეტაპზე ელექტორენერგიაზე ფასის მატება არ იგეგმება. ირაკლი ღარიბაშვილი ენერგეტიკის სამინისტროს, სემეკსა და გამანაწილებელ კომპანიებს მოუწოდებს, შიდა საუბრები საჯარო აღარ გახადონ, ვინაიდან ეს მოსახლეობას ძაბავს.