ვიცხოვროთ ერთ ოჯახში, როგორც ადრე ვცხოვრობდი - განაცხადა ბელაურსის პრეზიდენტმა გიორგი მარგველაშვილთან შეხვედრის შემდეგ პრესკონფერენციაზე. ლუკაშენკოს თქმით, არ არსებობს წინააღმდეგობ ქართველ, ბელარუს და რუს ხალხს შორის და გაუგებრობა, რომელიც პოლიტიკურ დონეზეა, შეიძლება აღმოიფხვრას. ჟურნალისტის კითხვაზე, რომელიც ოკუპირებული ტერიტორიების აღიარებასა და საქართველოს რუსეთთან ურთიერთობებს შეეხებოდა, ბელარუსის პრეზიდენტმა განაცხადა, რომ იმ ნაბიჯებს, რომლებიც სახელმწიფოებრივ პოზიციებს დაახლოვებს უახლოეს მომავალში მოიფიქრებენ. პრეზიდენტთან კონკრეტული ამოცანებისა და ნაბიჯების შესახებაც ისაუბრა, თუმცა შეთანხმებებს ამ დროისთვის ვერ გაასაჯაროვებს. ბელარუსის პრეზიდენტმა პრესკონფერენციაზე კიდევ ერთხელ დაადასტურა, რომ რუსეთის მიერ ოკუპირებული ტერიტორიების აღიარებას არ აპირებს. ბელარუსის მხრიდან მხარდაჭერაზე ისაუბრა საქართველოს პრეზიდენტმა. გიორგი მარგველაშვილის თქმით, ბელარუსის გამოცდილება, განსაკუთებით სოფლის მეურნეობის მიმართულებით საინტერესოა. პრეზიდენტებმა ბელარუსული მედიის კთხვაზეც უპასუხეს, რომელიც, ორი ქვეყნის მიერ განსხვავებული კავშირების წევრობის გამო შესაძლო ბარიერებზე იყო. კოალიცია ქართული ოცნების წევრების თქმით, საქართველოს მოქალაქეებმა უკვე გააკეთეს ევროპული არჩევანი. ერთიან ნაციონალურ მოძრაობაში კი პრეზიდენტისგან ლუკაშენკოსთან მიღწეულ შეთანხმებებზე განმარტებებს ითხოვენ.