ინფრასტრუქტურის ახალი მინისტრი პირველ კომენტარს აკეთებს. ნოდარ ჯავახიშვილს დღეს პირველი სამუშაო დღე აქვს. ახალი მინისტრი კიდევ ერთხელ აცხადებს, რომ მას გარკვეული კითხვები ჰქონდა იმ ტენდერებთან დაკავშირებით, რომელსაც დავით შავლიაშვილის დროს სამინისტრო ახორციელებდა. ჯავახიშვილი ამბობს, რომ შეიცვლება გარკვეული მიდგომები. ახლად დანიშნული მინისტრი აცხადებს, რომ სწორედ პირველი მიდგომა, რასაც ის შეცვლის მინისტრობის პერიოდში, ეს იქნება დამოკიდებულება ტენდერებთან დაკავშირებით, რადგან პროცესი გახდეს გამჭვირვალე და საზოგადოებაში არ არსებობდეს კითხვები კორუფციასთან დაკავშირებით.