ინფრასტრუქტურისა და რეგიონული განვითარების მინისტრმა დავით შავლიაშვილმა გადადგომის მოთხოვნით პრემიერმინისტრს მიმართა. მას მინისტრის მოადგილე ნოდარ ჯავახიშვილი ჩაანაცვლებს. პრემიერის თქმით, მინისტრის გადადგომა ჯანმრთელობის მდგომარეობამ გამოიწვია.
დავით შავლიაშვილის მინისტრობის პერიოდი დადებითად შეაფასეს მთავრობის წევრებმა. მინისტრთა კაბინეტის წევრების თქმით, სამწუხაროა, რომ მას პოსტი დატოვება მოუწია.
მმართველი გუნდისაგან განსხვავებით, დავით შავლიაშვილს კორუმპირებულ მინისტრად აფასებენ ერთიან ნაციონალურ მოძრაობაში. საპარლამენტო უმცირესობის წევრების თქმით, ხელისუფლებაში კლანებს შორის ბრძოლა მიმდინარეობს და ცვლილებას სწორედ ამას უკავშირებენ.