დღეიდან, ნებისმიერი ადამიანი, რომელიც თიბისი ბანკის სწრაფი გადახდის აპარატებზე რაიმე ტრანზაქციას შეასრულებს, მოულოდნელად შეიძლება დასაჩუქრდეს. თიბისი ბანკის ახალი გათამაშება დღეს დაიწყო და ის ყველაზე მასშტაბური გათამაშება იქნება გამარჯვებულების რაოდენობის მიხედვით - ჯამში, გათამაშებას 5 ათასი გამარჯვებული ეყოლება.
როგორც „თიბისი ფეის“ გენერალურმა დირექტორმა დავით კენჭაძემ განაცხადა, გათამაშება 30 ივნისის ჩათვლით გაგრძელდება.
„ამ ხნის განმავლობაში, ნებისმიერ მომხმარებელს, ვინც თიბისი ბანკის სწრაფი გადახდის ტერმინალით ისარგებლებს, შანსი ეძლევა ჩაერთოს მომენტალურ გათამაშებაში და მოიგოს 20 000, 10 000 ან 5 000 ლარი, ასევე სხვადასხვა ფულადი პრიზი ან მობილურ ტელეფონზე სასაუბრო დრო გამარჯვებული მომხმარებლები ანგარიშსწორებისთანავე შეიტყობენ, იყო თუ არა მათი ტრანზაქცია იღბლიანი“ - განაცხადა კენჭაძემ.
ამასთან, თიბისი ბანკმა ქვეყნის მასშტაბით სწრაფი გადახდის აპარატების რაოდენობა გააორმაგა და დღეისათვის საქართველოს მასშტაბით მომხმარებლებს უკვე 2600 აპარატი ემსახურება.გაუმჯობესდა ტერმინალების სისწრაფე და დაიხვეწა მენიუს დიზაინი - მომხმარებლისთვის უფრო მარტივი გახდა ტრანზაციის შესრულება.
როგორც „თიბისი ბანკის“ მედიაკომუნიკაციების დირექტორმა თამარ კირვალიძემ განაცხადა, უახლოეს მომავალში სწრაფი გადახდის აპარატებით გადახდები განხორციელდება არა მარტო ეროვნულ ვალუტაში, არამედ დოლარსა და ევროშიც. ოპერაციების განხორციელება აგრეთვე შესაძლებელი იქნება პლასტიკური ბარათების საშუალებითაც.
სწრაფი გადახდის აპარატების ქსელის გაფართოებასა და მომსახურების გაუმჯობესებაში თიბისი ბანკის მიერ განხორციელებული ინვესტიცია 12,6 მილიონ ლარს შეადგენს.
#TBC #TBCPAY