მოსკოვთან ეგრეთ წოდებული სამეკავშირეო შეთანხმების შემდეგ, საოკუპაციო რეჟიმმა გადაწყვეტილება დააჩქარა. დე ფაქტო მთავრობა აპირებს, რომ სექტემბრიდან გალში მოქმედი 20 სკოლიდან 11 –ში, სადაც ყველა საგანი სახელმწიფო ენაზე ისწავლება, ქართული რუსულით ჩაანაცვლოს.

ამასთან ერთად, საოკუპაციო საზღვარი სამუდამოდ ჩაიკეტება გალის რაიონში მცხოვრები სკოლის მასწავლებლების, დირექტორებისა და სოფლის გამგებლებისთვის. მათ დე ფაქტო მთავრობა ეგრეთ წოდებული საზღვრის გადაკვეთის უფლებას აღარ მისცემს.