სვეტიცხოვლის საკათედრო ტაძარში შეკრებილ მრევლს სრულიად საქართველოს კათოლიკოს-პატრიარქის სააღდგომო ეპისტოლე არქიდიაკონმა დემეტრე დავითაშვილმა გააცნო.

უწმინდესი სააღდგომო ეპისტოლეში სათამაშო ბიზნესზე საუბრობს და მას საშიშ და სერიოზულ პრობლემას უწოდებს. როგორც ილია მეორე ეპისტოლეში წერს, აზარტული თამაშების ინტერნეტ სივრცეში გადატანამ განაპირობა ის, რომ მრავალი ადამიანი, მათ შორის ახალგაზრდები, რომელთაც მცირე ფინანსური შესაძლებლობები აქვთ, ცდუნებას ვერ უმკლავდებიან და დიდ ვალში ვარდებიან.