შეგახსენებთ, 22 წლის გიორგი აბულაძე 2013 წელს თურქეთიდან ცდილობდა ევროპაში არალეგალურად გასვლას. სავარაუდოდ იგი შეაპარეს თვითმფრინავში, იმ ადგილას, სადაც თვითმფრინავის ბორბლები შედის. სამწუხაროდ ვერ გაითვალისწინა, რომ 10.000 მეტრის სიმაღლეზე ტემპერატურა -60 გრადუსამდე ეცემა და მოკლე შარვალში და მაიკაში ჩაცმული გიორგი სავარაუდოდ პირველივე მგზავრობის დროს სასიკვდილოდ გაიყინა. თვითმფრინვმა ამის შემდეგ 7 სხვადასხვა რეისი შეასრულა და საბოლოოდ თვითმფრინავში გვამის არსებობა რუსეთში, ვნუკოვოს აეროპორტში დაადგინეს, დაინახეს რა, რომ ბორბლების ადგილას სისხლი წვეთავდა. გიორგი აბულაძის 7-ჯერ გაყინული და გამლღვალი სხეულის აღმოჩენა მისი გარდაცვალებიდან 4 დღის შემდეგ მოხერხდა.

ჯაჯანიძის შოუში გიორგის მამის განცხადებით, გიორგის საქართველოში ძალიან კარგი სამსახური ქონდა, მუშაობდა თავდაცვის პოლიციაში, თუმცა მამისთვის გაუგებარი მიზზების გამო გიორგი სამუშაოდან წამოვიდა და გადაწყვიტა ყოველმიზეზგარეშე საქართველოდან ევროპაში წასვლა. მამის გადმოცემით, გიორგის უთქვამს, რომ ის "საქართველოში სამართალს ვერ პოულობდა"