■ „ნაციონალური მოძრაობის“ცენტრალურ ოფისთან ახალგაზრდულმა ორგანიზაცია „თავისუფალმა თაობამ“ აქცია გამართა.
აქციას სრულიად საქართველოს სახალხო დარბაზი და საზოგადოებრივი გაერთიანება „ქართული მისიის“ წევრი გია კორკოტაშვილი შეუერთდა.

აქციის მონაწილეები 21 მარტს დაგეგმილ, „ნაციონალური მოძრაობის“აქციას აპროტესტებდნენ და აცხადებდნენ, რომ „ნაციონალები“ სახელმწიფო გადატრიალებას გეგმავენ.

აქციაზე ინციდენტიც მოხდა. „თავისუფალი თაობის“ წევრებმა „ნაციონალური მოძრაობის“ ოფისს წითელი საღებავით სავსე კვერცხები ესროლეს, რის შემდეგაც სამართალდამცვლებმა ორგანიზაციის რამდენიმე წევრი, მათ შორის, ლადო სადღობელაშვილი დააკავეს.

21 მარტს „ერთიანი ნაციონალური მოძრაობა“ აქციის გამართვას გეგმავს. აღნიშნული აქციის კონრტაქციის ჩატარება სასჯელაღსრულების დეპარტამენტის ყოფილმა თანამშრომელმა ლადო ბედუკაძემაც დააანონსა.