„ჩვენ ვართ ასპირანტი სახელმწიფო, იმ სამ ასპირანტს სახელმწიფოს შორის, ჩვენ ვართ გაძლიერებული შესაძლებლობების სახელმწიფოების ჯგუფში, ჩვენ გვაქვს ძალიან მნიშვნელოვანი მექანიზმები, როგორიც არის წლიური ეროვნული პროგრმა და ნატო-საქართველოს კომისია და უელსის სამიტზე ჩვენ გადმოგვეცა არსებით ღონისძიებათა პაკეტი, რომელსაც განუხრელად ასრულებს საქართველოს მთავრობა იმ გეგმით, რომელიც არის განსაზღვრული და რომელიც ნატოს მაღალჩინოსნების მიერ არის საკმაოდ კარგად, დადებითად შეფასებული. შესაბამისად, საქართველოს მთავრობა განუხრელად მიისწრაფვის ქართველი ხალხის არჩევანის, მისი ისტორიული ნების რეალიზაციისკენ, რაც უკავშირდება ნატოს წევრობას“- განაცხადა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ ტელეკომპანია „მაესტროს“ პირდაპირ ეთერში ჩართვისას.