საქართველოს რეგიონული განვითარებისა და ინფრასტრუქტურის მინისტრის მოადგილე თენგიზ შერგელაშვილი საქართველოში ჩეხეთის ელჩს ტომაშ პერნიცკის შეხვდა. შეხვედრა ორ ქვეყანას შორს ურთიერთთანამშრომლობის შედეგებისა და სამომავლო გეგმების გაცნობას ისახავდა მიზნად.
საქართველოს რეგიონული განვითარებისა და ინფრასტრუქტურის სამინისტრო აქტიურად თანამშრომლობს ჩეხეთის კოლეგა სამინისტროსთან, როგორც საექსპერტო, ასევე პროექტების მხარდაჭერის კუთხით.
ჩეხეთმა თვითმმართველობის განვითარებისა და დეცენტრალიზაციის მიმართულებით მნიშვნელოვანი ნაბიჯები გადადგა და საკმაო წარმატებას მიაღწია. ამდენად, მისი გამოცდილების გაზიარება და მხარდაჭერა მნიშვნელოვანია საქართველოსთვის. ტომაშ პერნიცკის თქმით, ჩეხეთიდ კოლეგა სამინისტრო საქართველოს რეგიონული განვითარებისა და ინფრასტრუქტურის სამინისტროსთან უკვე წლებია თანამშრომლობს. საქართველო ჩეხეთისათვის პრიორიტეტული ქვეყანაა, როგორც ამიერკავკასიაში, ასევე, მთელი აღმოსავლეთ პარტნიორობის მასშტაბით.
ელჩმა კმაყოფილება გამოხატა ორი ქვეყნის შესაბამის უწყებებს შორის არსებული წარმატებული თანამშრომლობის გამო და მზადყოფნა გამოთქვა სამინისტროსთან სხავადასხვა სფეროში სამომავლო თანამშრომლობასთან დაკავშირებით.