“ჩვენ ასევე, გვქონდა შესაძლებლობა განგვეხილა საქართველოში მიმდინარე მნიშვნელოვანი რეფორმები, რაც წლიური ეროვნული პროგრამის ნაწილს წარმოადგენს. ასევე, ვისაუბრეთ რეგიონში მიმდინარე შემაშფოთებელ გარემოებებზე, მათ შორის რუსეთსა და საქართველოს რეგიონს-აფხაზეთს-შორის ე.წ. შეთანხმებაზე, რომელსაც ნატო ცალსახად არ აღიარებს და განიხილავს დესტაბილიზაციის ფაქტორად.
ამრიგად, ეს არის ჩემი ვიზიტის კარგი დასაწყისი და მინდა ხაზი გავუსვა იმას, რომ ალიანსი სრულად უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში.
ჩვენ მხარს ვუჭერთ საქართველოს ევროატლანტიკურ მისწრაფებებს და საქართველოს აქვს ინსტრუმენტები - ნატო-საქართელოს არსებითი ღონისძიებების პაკეტის, ნატო-საქართველოს კომისიის და წლიური ეროვნული პროგრამის სახით, რომელიც საჭიროა საქართველოს ევრო-ატლანტიკური მისწრაფებების ხელშეწყობისთვის“ - განაცხადა ნატოს გენერალური მდივნის მოადგილემ ალექსანდერ ვერშბოუმ დღეს, მთავრობის ადმინისტრაციაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრ დავით ბაქრაძესთან შეხვედრის შემდეგ.