■ 2006 წლის 2 მაისიდან 2015 წლის 20 იანვრამდე - პერიოდი, რომლის განმავლობაშიც იური ვაზაგაშვილი შვილის ზურა ვაზაგაშვილის მკვლელობის ობიექტურ გამოძიებას ითხოვდა.
ბოლო რამდენიმე დღის განმავლობაში, იური ვაზაგაშვილი კიდევ უფრო გააქტიურდა და საქმეში არსებულ ახალ დეტალებზე მასალების გამოქვეყნება დაიწყო.

თუმცა, სრულიად მოულოდნელად, ვაზაგაშვილს შვილის საფლავზე მოკლულს პოულობენ.
აფეთქების ხმა სოფელ ყარაფილას მოსახლეობამ დღეს დაახლოებით 14:00 საათისთვის გაიგო. ამის შემდეგ მათ მესაფლავის ყვირილი გაიგეს, რომელმაც ადგილობრივებს შეატყობინა რომ აფეთქება მოხდა.

მთავარმა პროკურატურამ ფაქტზე, გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებებში განზრახ მკვლელობას გულისხმობს. საზოგადოება მომხდარის გამოძიებას ელის.